珀斯BBS-珀斯论坛_珀斯租房_珀斯中文网_珀斯华人社区_信息平台_信息帮转_Perthbbs.com中文网

标题: 九巴推發光車站柱 [打印本页]

作者: Brlsbane 时间: 2009-12-15 07:37
标题: 九巴推發光車站柱
【明報專訊】香港巴士站每隔幾年都會換吓設計，不過九巴噚日公布將會推出嘅夜光水晶巴士站柱，Emily見到後都有口的驚喜。
LED光管夜晚定時著
顧名思義，夜光水晶巴士站柱係發光嘅站柱，九巴喺路線資料牌上裝咗幾條LED光管，夜晚會定時著燈，加埋可以360度轉動，巴士乘客睇資料真係清楚到極。唔怪得九巴資產管理部主管唐東明形容﹕「夜光水晶巴士站柱係外形與功能嘅完美結合。」
九巴話，發光站柱已經裝咗自動計時器自動開關，冬季黃昏6點開燈、零時熄燈；夏季就7點開、零時熄。而LED燈夠耐用又慳電，站柱全部都裝有獨立矽電池，唔使駁電源。
九巴話會先喺油尖旺、沙田
、觀塘及港島等多個地區試用20支發光站柱，為期3個月。如果效果理想，九巴會擴展計劃。唔講語知，原來九巴喺街上嘅站柱有成2800支。Emily對九巴今次嘅創意好欣賞，不斷為乘客提供優質服務亦好贊成，但服務最基本係行車安全，九巴喺呢方面千祈唔好鬆懈。

欢迎光临珀斯BBS-珀斯论坛_珀斯租房_珀斯中文网_珀斯华人社区_信息平台_信息帮转_Perthbbs.com中文网 (http://101.0.87.158/)